Chapter 59

“Anong problema? Bakit parang hindi kayo masaya sa hapunan?” tanong ni Don Felipe sa mga anak-anakan.

Unang nag-angat ng tingin si King.

“Ama, hindi naman, marami lang kaming ginawa at kasama na roon ang pagsasaya,” nakangiting sabi ni King.

Tumawa naman nang malakas ang matandang Don.

“Ano-ano bang pinagkakaabalahan ninyo? Maaari pa naman kayo magpakasaya. Marami namang misyon na kakayanin na nang mga alipin natin,” tukoy nito sa mga bampirang nasa ilalim nang pag-eeksperimento nito.

“Ama, mukhang marami na ang nagagawa mong batalyon ng alipin,” tila excited na sabi ni Dark.

Nangiti lalo ang ama. “Oo, marami na, at napakarami nang successful ngayon kaya sobra ang saya ko. Huwag kayong mag-alala, bawat isa sa inyo ay magkakaroon nang maraming aliping susundin kayo sa lahat. Sa ngayon, kinakailangan ko pa lamang na paramihin sila pero pasasaan pa at darami rin naman sila. Ang