Chapter 60

“Anne?” untag ni Vince kay Anastacia.

Gabi na no’n kaya sila lamang ang nasa pinakatuktok nang balkonahe. Oras na rin kasi ng pagpapahinga.

“Vince, may sasabihin ako sa ‘yong mahalaga.” Kumakabog ang dibdib ni Anastacia. Hindi niya gustong saktan ‘to pero wala naman siyang magagawa, hindi na niya puwede pang patagalin pa ang lahat.

Napapansin ni Vince ang hitsura ni Anastacia, hindi man niya gustong isipin, pero mukhang makikipaghiwalay ito sa kanya.

Si Anastacia ang kauna-unahang gusto niyang makita sa pagbalik niya. Pero mukhang sa pagbabalik niya, hindi magandang balita naman ang ibibigay nito sa kanya. Pero kailangan niyang maging handa. Hindi niya naman gustong pabigatin pa ang nararamdaman nito.

“Alam mo kung ano ang dahilan ko bakit ginusto kong maging isang Vampire Hunter,” pasimula nito.

“Alam ko, dahil ‘yon sa lalaking mahal mo na pinatay ng mga bampira rin,” s