Chapter 75

Napatingin din si Drake kay King.

Kinakabahan ako dahil halatang galit si King.

“Narito na pala ang kasama mo,” sabi ni Drake. “Siguro ay aalis na rin ako.”

Hindi ko malaman kung papayag akong umalis siya o sasabihin ko munang kumain siya. Pero baka magalit lalo sa ‘kin si King. Hindi tuloy lumabas ang boses sa ‘king labi.

“Kumain ka muna, gising na rin si Dylan,” sabi ni King.

Nagulat naman ako pero ipinagpapasalamat kong pinakain niya muna si Drake dahil nakakahiya naman kung makakaramdam ito nang kakaiba sa pagitan nilang tatlo.

Ipinaghanda niya ang mga ito.

Mukha namang wala namang kahit na anong pagkailang si Drake. Nakangiti lamang ako. Pero alam ko na si King, iyong ngiti niya’y pilit lamang.

“Saan ka nakatira? Sa kabilang isla ba? Pero sa hitsura mo mukhang sa capital ka galing,” sabi ni Drake, palakaibigan naman ang kanyang tono.

“Sa malayon