Chapter 81

Araw-araw ay isang malaking pagsubok sa ‘min ni King.

Marami akong gustong sabihin, pangarap na gustong ibahagi na tungkol sa ‘min at sa magiging pamilya naming dalawa. Pero ayokong maisip niya na ni-ru-rush ko siya.

Napapayag niya iyong doctor at nakapagpagawa ng tahanan nito.

Nang malaman ng mga taong doctor ito’y nagtulong-tulong na silang igawa ito nang pansamantalang tirahan dahil ang magiging tirahan nito ay ang mismong klinikang gagawin pa lamang.

Si Renan ang umasikaso no’n at si Marina.

Kami ni King ay nagpatuloy sa pagtungo sa iba’t ibang isla para mamasyal.

Laman kami ng karagatan at isla sa loob ng isang linggo.

Ang pagsasama namin ang pinakamasayang mga araw.

“Bakit parang matagal kang nasa labas?” tanong ko nang minsang naroon kami sa isang pribadong barko. Pinapanood namin ang mga bituin sa kalangitan.

Tiningnan niya ‘ko at nginitian.

Nginitian ko rin