Chapter 88

Sa sandali kong pagpapahinga, agad akong nakatulog. Ang pagod ko at antok ay nagdala sa akin sa kahimbingan. Nagising ako ng bandang alas-syete na rin ng gabi.

Narinig ko ang mga boses ng dalawang babae mula sa labas ng kwarto. Marahil ay tapos na ang duty nila ngayong araw.

Dahan-dahan akong bumangon mula sa higaan, ang mga mata ko ay unti-unting nag-aadjust sa dilim dahil hindi ko binuksan ang ilaw sa kwarto ko kanina bago ako makatulog. Nagbihis ako ng simpleng damit - isang maluwag na t-shirt at maong na pantalon. Tiningnan ko ang sarili sa salamin at inayos ko ang buhok ko at siniguradong maayos ang itsura ko bago ako lumabas ng kwarto.

Nang maabot ko ang pinto, hinawakan ko ang door knob at dahan-dahang binuksan ito. Ang ingay ng pinto sa pagbukas ay agad na nagpa-tingin sa akin ng dalawang babae. Naka uniporme pa silang dalawa habang nasa mesa nakaupo sa upuan at kumakain ng prutas.

"Kumusta ang assistant ng isang CEO?" nanunuksong saad ni Jazz. Nakalumbabang nakatin