Chapter 23 - Face Off

Malapit nang mapuno ang Arena dahil sa unti-unting pagdami ang estudyanteng gustong manood ng tryouts. Mabilis kasing kumalat ang balita na dumating si Yanna sa campus.

"Kakaiba ata tryouts ngayon?"

"Bakit? Anong meron? Si Yanna ang lalaban?"

"Ewan ko? Basta ang alam ko gusto kong manood."

Bulong-bulungan ng mga estudyante.

Lumapit ang Marshall kay Yanna para ipaliwanag ang mga panuntunan ng laban. Matapos nito ay tinipon niya ang dalawa sa gitna ng steel cage. Nagka-tinginan pa ang dalawa ng magkaharap ito. Kanina pa kating-kati si Yanna lumaban.

Itinaas ng marshall ang kamay sa ere at lahat ay naka-abang sa hudyat nito para mag-umpisa ng laban.

"FIGHT!"

Rinig na rinig ang malakas na boses ng Marshall sa buong warehouse. Halos mapatayo si Yohan nang mag-umpisa ang laban.

Leche talaga... Mag-iingat ka Astrid. bulong ni Yohan sa sarili.