Chapter 24 (Part 2)

"Hindi ko kilala. Taga Engineering Department..."

"Anong ginagawa ng taga Engineering na 'yon sa inyo e pagkalayo-layo na no'n? Dumayo pa talaga. Nagpapaligaw ka ba?"

Kaagad ko s'yang nabitawan sa tanong n'ya sa akin. Nasasaktang tinitigan ko s'ya sabay atras palayo sa kanya.

Hinuhusgahan n'ya ba ako?

Ganun ba kababa ang tingin n'ya sa akin? Bakit ganun... bakit ang bilis n'ya akong husgahan? Wala ba s'yang tiwala sa akin? Pakiramdam ko para akong unti-unting dinudurog sa biglang sakit na pumulupot sa puso ko ng tanungin n'ya ako kung nagpapaligaw ba ako.

'Yong feeling na patay na patay ka sa kanya pero s'ya parang patay na walang pakiramdam. Mas mabuti pa nga 'yong patay e nagpaparamdam. E, siya? Buhay pero parang patay. Hindi marunong makiramdam. Hindi n'ya ba ramdam ang pagmamahal ko sa kanya? Napangisi pa ako sa aking naisip at mabilis pinalis ng aking kamay ang luhang biglang tumulo sa aking mga mata.

Natatarantang kaagad n'ya naman akong nilapitan pero umatras ako. Sumasakit an