Kabanata 15.1

Maaga pa lang ay bumangon na si Monique para maghanda ng makakain nila. Alam na alam niya ang lahat ng mga paborito ni Aidan dahil ilang taon din silang magkarelasyon kahit na palihim ang lahat.

“Ito Ma’am mga kamatis at talong mga bagong pitas po ang mga yan galing sa farm. Magluluto rin po ba kayo nito?” nakangiting saad ng isang binatilyo habang dala-dala ang basket na punong-puno ng mga bagong ani na gulay.

“Oo, pwede mo ba akong ipaghiwa ng mga kamatis? Lalagyan ko na lang ng itlog at ampalaya. Tapos pakiihaw na rin ng mga talong para gawin kong torta. Wala ka bang gagawin?” napakaamo ng kaniyang tinig na saad sa binatilyo.

“Oo naman po senyora. Iyun lang po ba ang gagawin ko?” natawa naman si Monique dahil sa tawag sa kaniya. Halos lahat sila ay senyora ang tawag sa kaniya rito.

“Ate na lang, masyado naman yung senyora. Yan lang naman kung wala kang gagawin.” Nakangiting saad ni Monique. Sinunod naman ng binatilyo ang iniutos sa kaniya ni Monique. Inamoy ni Monique ang soup n