Kabanata 15.2

Ang sasakyan nila ay ginagamit talaga sa pagbubukid, maingay ang makina at mausok. Nauna nang sumakay si Aidan saka niya hinarap si Monique para alalayan ito sa pag-akyat niya.

“Hold my hand,” anas ni Aidan saka niya inilahad ang kamay niya sa harap ni Monique. Hinawakan naman na ni Monique ang kamay ni Aidan saka siya sumakay. Muntik pa siyang maout of balance kaya napahawak siya sa dibdib ni Aidan.

Napatikhim na lang si Monique saka siya lumayo ng kaunti kay Aidan. Naupo na silang dalawa, pareho silang nasa unahan at nakakapit sa sandalan ng driver. Natutuwa naman si Monique dahil ngayon lang siya makakasakay sa ganitong sasakyan.

Inililibot niya ang paningin niya sa paligid. Napakaraming puno ng mangga at may mga taong nag-aani na ng mga hinog na nitong bunga.

“Magandang umaga po Sir Aidan,” bati ng mga nadadaanan nilang mga tauhan ng farm. Lahat sila ay abala sa mga ginagawa nila at dahil sa lawak ng manggahan nila, kakailangin mo talaga ng maraming tao para mag-ani.

“Maganda