Chapter 26

Nagising si Cally na bahagya pang nahihilo at nilibot niya ang tingin sa itaas ng kisame at nangunot bigla ang noo niya nang dumako ang tingin niya sa tabi niya at nakita si Vin habang nakasubsob ang mukha nito sa brasong nakapatong sa kama.

Kaagad namang naalimpungatan si Vin nang maramdaman niya ang paggalaw ni Cally kaya agad siyang napaangat ng tingin at tama nga siya gising na ito.

"You're awake!" masayang bungad ni Vin.

"Yes, I am, sinong nagdala sa 'kin dito? Si Ryan ba?" nanghihina at mamaos ang boses na tanong ni Cally at umiling lang ito.

"Ako ang nagdala sa 'yo rito," sagot ni Vin at lihim siyang nakaramdaman ng pagtatampo dahil siya ang nasa tabi nito pero nagawa pa rin nitong magtanong.

"Thank you," pasalamat ni Cally na ikinabigla ni Vin.

"Pakiulit nga?" tila nabibinging sabi ni Vin kaya pagak na natawa si Cally.

"I said thank you for bringing me here," pag-uulit ni Cally hanggang sa unti-unting sumilay ang matamis ngiti sa mukha ni Vin.

"You're welcome, I thought, susu