Chapter 29

Napatulala na lang si Cally nang mawala na sa paningin niya si Vin at hindi makapaniwala napatingin sa kawalan dahil sa inasta nito sa harapan niya.

"Kanis!!" sigaw ni Cally mag-isa sabay bato niya ng throw pillow sa sahig nang biglang may maid na lumitaw muli sa kanyang gilid.

"Ma'am?" nagaalangang tawag ng maid.

"What?!" bulyaw ni Cally sa maid kaya napapitlag ito sa gulat.

"Ah, kasi po nandiyan po si Ma'am Ellise sa labas, papasukin ko po ba?" nangingiwing imporma ng maid kaya napairap si Cally sabay natampal ang noo.

"Of course papasukin mo! Kaibigan ko 'yan nagtatanong ka pa kung papapasukin mo?? Go! Let her in!" pasigaw na sagot ni Cally kaya naman dali-daling umalis agad ang maid at tumungo na sa labas.

Mayamaya lang ay naririnig niya na ang yabag ng heels ng kanyang kaibigan ngunit hindi na siya nag-abalang salubungin ito.

"Babaita! Ang init ng ulo ah! Nasa lang labas pa lang ako pero rinig na rinig ko ang boses mo kung makasigaw ka naman sa katulong," bungad ni Ellise nang ma