Chapter 37- Nagawa mo ba ng tama?

"MA'AM Nica, malapit ng mag-umpisa ang grand event." Paalala ni Bheng sa dalaga. 

Ilang araw na ring lumipas mula nang kamuntik na itong mapahamak kay Philip. Masaya siya sa nakikitang sigla sa mukha nito at ang closeness sa asawa nito ngayon. Araw-araw ay may bulaklak na dala ang asawa nito at nagsisimula umanong manligaw. Kahit busy ang mga ito sa event na gaganapin ay hindi pa rin nawalan ng oras sa amo ang asawa nito.

Ngumiti si Nica sa secretary na naging kaibigan na rin. Hindi pa siya ulit nakapunta sa paboritong lugar upang alamin kung si Larry nga ang tumulong sa kaniya ng gabing iyon. Plano niya ay pagkatapos ng event siya dadalaw doon para tuluyan na ring palayain ang sarili sa kalungkutan. Gusto rin niyang makilala sa huling pagkakataon ang may-ari ng naturang resto upang tuldokan ang gumugulo sa kaniyang isipan. Gusto niya ring makita ang mukha nito upang mamatay na ang curiousity niya sa kung kamukha ba ito ng kaniyang asawa.

"Bagay sa iyo ang