Chapter 49

Para akong binuhusan ng yelo nang marinig ang sinabi ni Garrett. Pakiramdam ko ay biglang naputol ang paghinga ko. Wala sa sarili akong napayakap sa sarili ko habang marahan na umuupo. Ito ba ang dahilan kung bakit hindi ko makontak si sage kagabi? Sobrang kinakabahan na ako. Hindi ko alam kung saan ko siya uumpisahan na hanapin. Hindi ko alam kung anong gagawin ko. Paano kung may masamang nangyari sa kanya?

``Calm down... honey, kilala ko si Owen. I know hinding-hindi niya pababayaan si Sage...'' malumanay na sinabi sa akin ni Garrett.

Lumuhod siya at niyakap niya. ``Paano kung siya mismo ang gumawa ng masama sa kaibigan ko?'' Tuluyang kumawala ang mga luha sa mga mata ko. Sising sisi ako bakit ko pa kasi siya pinayagan na sumama. Kaya ba mabigat ang pakiramdam niyang sumama noon? I thought she might enjoy their trip. Pero ito lang pala ang mangyayari sa kanya.

Narinig ko ang pagbuntonghininga ni Garrett. ``Pinapahanap na sila sa mga coastguard ng Isla. Huwag k