34

34

"Mukhang mas naging maganda ang mga ngiti mo nitong mga nagdaang araw, ah? Wala ka bang chika diyan?"

Isang linggo na rin ang lumipas nang umuwi kami ni sir. Hindi pa rin limot ng isipan ko ang mga kaganapan sa tatlong araw naming nalayo sa mansion. Totoong sobrang bilis ng mga pangyayari. Ngunit ang damdamin ko kay sir ay lalo lamang lumalim dahil sa tatlong araw namin doon.

Balik na kami sa dati ni sir ngunit may nagbago rin sa kung paano niya ako pakitunguhan. Palagi niya akong tinatawag kapag uwi niya galing trabaho at kapag wala naman siyang pasok ay lagi dapat niya akong kasama. Nakakatuwa ngunit nakakahiya rin. Dahil hindi lang naman ako ang nakakapansin non'n. Maski itong si Mel na mukhang kukulitin na naman ako.

"Sinasabi mo riyan?" Naghuhugas kami ng pinggan. Gabi na at kami ang nagpresinta na maghugas. Pinunasan ko ang hawak na baso at binalingan siya. "Antok lang 'yan, Mel. Ako na rito matulog ka na roon."

"Sus! Ayan na naman siya sa tanggi." Pang-aasar niya. Mahina pa