35

35

"Are you avoiding me, Jossa?"

Tatlong araw na ang dumaan matapos no'ng kausapin ako ni Ma'am Ana. Hindi pa rin nawala sa akin ang galit niyang mga mata at mukha. Tunay na nakakatakot siya kapag galit ang hitsura.

Tatlong araw na rin nang simulan kong iwasan si sir. Ayoko man ngunit kailangan. Hindi ko man alam ang babala sa akin ni Ma'am Ana ngunit alam ko sa huli ako rin ang mahihirapan kapag sinuway ko ang sinabi niya. Mabuti na ang ganito. Ayoko rin naman na mag-away silang mag-ina nang dahil lang sa akin.

Yumuko ako at iniwasan ang mga titig ni sir. Bakas sa tono niya ang pagtataka at pagkalito. Alam ko kung anong rason no'n.

Inayos ko ang pagkakahawak sa basket na may laman na damit na labahan nina Tina at Tj. Nandito kami nakatayo sa tapat ng kwarto ni Tj. Paglabas ko kasi ay siya ang bumungad sa akin.

"Sir, ibababa ko po muna itong mga labahan ng mga bata para maisabay na ni Manang sa paglalaba." Hindi ko pa rin siya tinignan sa mukha. "Baba na po ako."

Humakbang ako ng is