67

67

“HAPPY BIRTHDAY, TINA!”

Masayang binati ng mga taong kasama namin sa resort si Tina. Ikapitong kaarawan kasi nito. Dito ginanap sa resort kung saan may iba rin kaming kasama dahil public place pala ito. Nagkamali kasi ng sinendan si Manang kaya kahit na public place ito ay itinuloy pa rin namin ang okasiyon para kay Tina.

“Blow the candle, baby.” Sabi ng katabi kong si Tyson.

Nasa unahan kasi kami at nasa harap namin ang tatlong layer na cake na may design na mga Barbie. Katabi ko si Tyson habang karga niya si Tina at nasa gilid nila si Tj.

Agad na hinipan ni Tina ang cake na muling nagpaingay sa mga tao na narito. Mahigpit naman na yumakap si Tina kay Tyson at hinalikan ito sa pisnge. Napangiti ako habang pinapanood sila.

Nagtungo kami sa may lamesa namin at doon nagkwentuhan at nagsimulang kumain. Mabuti nalang talaga at medyo marami-rami rin ang handa ni Tina. May iba kasing bata na narito kaya binigyan nila ng pagkain. Ang iba naman ay tumanggi dahil mayroon din daw silang mga