Chapter 29

NAGSALUBONG ang mga kilay ni Kate nang makita niya si Clarence na sinusundan si Mari. Muling namuo sa puso niya ang galit dito dahil napapansin niyang nagkakamabutihan na ang dalawa.

Inis na tumindig si Kate. “That bitch!” giit niyang sabi saka napakuyom ng kamay.

Huminga siya nang malalim at nilapitan ang ina niyang si Silvana. “Mom, we need to talk,” aniya nang hawakan ang kamay nito saka hinila palayo sa mga bisita at kamag-anak.

“What’s wrong, hija?” nababahalang tanong ng ina.

Huminto sila sa likod ng chapel saka humarap si Kate kay Silvana.

“Gusto ko nang magpakasal kay Clarence. Hindi ko na kayang maghintay, Mom!”

Bahagyang napadilat ng mata si Silvana sa gulat. She didn’t expect that Kate would say this. Ngumiti siya rito saka nagsalita, “Why are you being hasty, my dear daughter?”

“Ilang beses ko nang nakikita sina Clarence at Mari na magkasama, Mom. Hindi ko matiis na malayo si Clarence. Baka mamaya niyan ay maagaw pa ni Mari ang dapat sa akin!” desperadang salaysay