Chapter 38

NANLAKI ang mata ni Mari nang mapatingala siya sa taong pumigil sa kamay ni Robert. Hindi niya inakala ang pagdating ni Clarence sa coffee shop. Paano siya nito nakita? Sinundan kaya siya? Iyon ang mga tanong na bumagabag sa isip niya.

“Wala kang karapatan na saktan mo muli ang anak mo, Mr. Robert Harrington,” seryosong sabi ni Clarence kaya napataas ng kilay si Robert. Agad na binitawan ni Clarence ang pupulsuhin ni Robert.

Napabuga ng hangin si Robert saka marahang natawa sa sinabi nito saka sarkastikong binaling ang tingin kay Mari.

“How did you seduce this man, Mari? May tinatago ka bang kamandag na hindi ko alam?”

Nanliit ang mata ni Mari saka tinaas nang bahagya ang kanyang labi.

“Hindi ko siya inahas. Sadyang—”

Biglang sumingit si Clarence. “I like him, Mr. Robert. Ako ang unang nagkagusto sa anak mo.”

Napadilat ng mata si Robert sa sinabi ni Clarence.

“What are you talking about, Clarence? Look at her. Wala kang makukuha sa kanya kasi sinira niya ang tradisyon namin