CHAPTER 12

" Wow, nag m-moment na ang dalawa..." Manghang saad ni Kasey nang mula sa veranda ng cottage, kita niya ang kaibigan at bodyguard nito na magkayakap sa gitna ng malawak na buhanginan at napapalibutan ng mga naglalakihang puno ng niyog. Kulay kahel na ang kalangitan dahil sa paglubog ng araw na nakadagdag sa ganda ng tanawin mula sa kaniyang kinatatayuan.

" Sure ba talagang bodyguard iyan ni Devs? " tanong ni Mai na kagagaling lang mula sa loob ng cottage. Isinandal niya ang mga braso sa railings at pinagmasdan ang dalawa sa hindi kalayuan. " Bakit parang iba ang nakikita ko? Feeling ko itong get together na 'to ay excuse lang niya para makasama ang bodyguard kuno niya. "

Bahagyang natawa si Kasey saka inilabas ang camera niya para kuhanan ng litrato ang kaibigan sa baba. " Enjoy-in na lang natin since libre naman ito lahat ni Devs. "

Humagikhik si Mai. " Nagulat nga ako sa biglaang plano dahil hindi naman niya ugali 'yong ganitong biglaan. Gusto niya iyong isini-set muna para mapag-p