CHAPTER 12  NAKAYUKONG kumakain lang si Ellery, hindi niya na inalintana ang matang nakamasid sa kaniya na alam naman niyang sa ina niya ito galing. Kung ang ama lang ni Ellery ang magdesisyon, mas pabor para rito na panghabang-buhay na ang pagiging mag-asawa ng dalawa, ngunit ang ina naman ni Ellery ang tutol dahil hindi nito kayang makitang nasaktan lang ang anak sa kamay ni Thaddeus. "Ellery, mag-usap tayo pagkatapos mong kumain." malamig na saad ng kaniyang ina. "Mom, ipagbukas mo nalang 'yan. Pagod pa ako, gusto ko ng matulog." tumayo siya't akmang maglakad na paalis sa mesa'ng iyon, ngunit kaagad na napatigil nang magsalita ulit ang ina. "Dito rin naman kayo matulog, ngayon na tayo mag-usap dahil baka hindi ko kayo maabutan bukas." Napabuntong-hininga nalang si Ellery. Wala siyang ibang magawa kundi sundin ang sinasabi ng Ina.