Chapter 21 [Snow's PoV.] Oras na para sa School Festival. Kitang-kita sa mga estudyante ang galak at pananabik na isa-isahing puntahan ang mga booth na itinayo ng bawat section. S'yempre, ang section namin ay may booth din, and it's a maid cafe. Mukhang simple lang sa pangalan pero pagpasok, doon makikita ang twist ng cafe namin dahil hindi mga babae ang maid na waitress dito. . . "Snow, ikaw ang gusto nila sa table 3," sabi ni Malabanan. Nangunot ang aking noo dahil wala pang sampung segundo pag-upo ko ay kailangan na naman nila ako. Napatingin ako sa mga katabi kong nakaupo't nabukaka habang nag-ce-cellphone. Mga kaklase ko silang lalaki at kitang-kita sa mukha nila ang wala sa loob nilang pagsusuot ng maid outfit. Ayaw ko namang umalis ang mga costumer namin kaya ano pa nga bang magagawa ko? Ako na rin ang umaako ng responsibilidad nila. Mabuti na lang at gusto ako ng mga costumer. Tumayo na ako at lumabas sa harang na kurtina kung saan ang pahingahan. Itinaas ko ang magkabil