PINANDILATAN na ng mga mata ni Alyson si Julius na nakangising aso pa rin sa kanya. Umikot siya, tinalikuran ito upang muling bumalik sana sa loob ng bahay. "Alyson, okay na ba tayo?" Nakapamulsang sinundan siya ni Julius. Padabog niyang binuksan ang pintuan at dere-deretso ng kinuha ang bag sa sofa. Muli siyang lumabas ng kanilang bahay. Wala pa 'ring pakialam sa mga matang palihim na sa kanila ay nagmamasid."Alyson, teka lang! Saan ka pupunta?"Hinila na ni Julius ang tangkay ng bag ni Alyson, dahilan para matigilan ang babae sa paghakbang at kamuntikan nang matumba."Since iginigiit mo na manatili pa dito kahit pinapalayas na kita, ako na lang ang mag-adjust. Ako na ang aalis. Pakisabi na lang kay Mama na enjoy kayong dalawa sa lunch na ihahanda niya.""Nahihibang ka bang babae ka? Ikaw ang dahilan ng pinunta ko dito tapos basta iiwanan mo lang?" "Alangan namang isama kita paalis? Hindi naman tayo pareho ng pupuntahan." pilosopong sagot ni Alyson, pinatulis ang nguso at inismir
LUMAMBOT ANG MGA mata ni Geoff nang makita ang takot na naka-rehistro sa mukha ni Alyson. Kung kanina ay galit na galit siya at kulang na lang ay pumatay ng tao, nang makita niya si Alyson ay parang hangin na inilipad na iyon. "A-Anong ginagawa mo dito?"Salit-salitan ang naging tingin ni Alyson sa mukha ni Geoff at sa limang lalake na kasama niya doon. Walang pag-aalinlangan na hinaklit ni Geoff ang isang braso ni Alyson. Mabilis na lumabas na ng gate, tangay si Alyson na blangko pa rin ang mukhang nakatingin lang sa likod ng lalake. Iniisip pa rin ang mga biglaang pangyayari sa kanila. Nang makalayo pa ng ilang dipa mula sa bahay ay huminto na sa paglalakad si Geoff. Nakarating na rin kasi sila sa may dulo na ng kalsada."Geoff, hindi mo pa sinasagot ang tanong ko. Anong ginagawa mo sa lugar na ito?!"Tumikhim si Geoff ng ilang beses. Saglit napaiwas ang mga mata. Di alam paano niya sisimulan ang magiging paliwanag kay Alyson paano siya napunta doon at ang ginawa niya rin kay Juliu
IBINUKA NI GEOFF ang bibig upang mag-explain ng side niya. Hindi niya intensyon na balewalain ito. Ngayon lang pumasok 'yun sa kanyang isipan."Huwag na. Hindi ko na kailangan ng pera mo para ibayad sa natitirang mga utang na iniwan ni Papa. Kaya ko ng bayaran ang mga 'yun. May trabaho—""Alyson, tanggapin mo na lang sana ang alok ko. Huwag ka ng maging matigas. Para naman—""Ayoko nga! Pare-pareho lang talaga kayong mga lalake na minamaliit ang kakayahan naming mga babae. Huwag mo akong pilitin! Alam ko namang awa lang ang nararamdaman mo kaya mo 'yan gagawin. Itigil mo na 'yan, Geoff! Pwede ba?!""Alyson—""Enough, Geoff. Ilaan mo na lang 'yan sa bagong pamilyang bubuohin mo. Huwag mo ng ipanlimos sa akin. Okay lang ako, kaya ko na ang sarili ko!"Tinalikuran na ang lalake ni Alyson at pamartsa niya ng iniwan. Unti-unting bumagal ang hakbang ng babae nang hindi niya maramdaman ang pagsunod nito sa kanya. Nanatili itong nakatayo. Nilingon niya na ang lalake. Biglang may kumislap ng i
HINDI NA MATAGALAN ni Alyson ang mga tinging pinupukol ng ina. May kahalo 'yung malisya. Naaalibadbaran siya kahit alam niyang binibiro lang naman siya nito. "At naniwala ka naman sa tsismosa nating kapit-bahay na 'yun, Mama? Ilang ulit ko bang sasabihin na hindi ko nga po niyakap si Julius!" maktol na ng babae, sabay padyak ng mga paa."Hindi 'yun mag-iimbento ng kwento, Alyson. Kung ano ang nakita niya ay iyon ang sasabihin niya. Para kang bago nang bago. Hindi ka na bata para mahiya, ayos lang talaga sa akin 'yun." Napasabunot na si Alyson sa buhok. Naiinis pa rin sa ina na iginigiit na si Julius ang niyakap kanina. Kasalanan din naman n'ya, hindi niya rito maamin na si Geoff 'yun. Oras na malaman kasi 'yun ng ina ay paniguradong lagot siya. Isa pa ay puro pera na naman ang magiging bukam-bibig nito oras na makaharap si Geoff kaya iniiwasan niya rin. Hangga't maaari ay ayaw niyang magkita sila."Umamin ka nga sa akin, ano bang ikinakahiya mo, Alyson? Hindi mo naman kailangang ili
LINGID SA KAALAMAN ni Alyson ay nasa hindi kalayuang banda lang ang sasakyan ni Geoff. Hinihintay siya. Nang makita siya nitong lumabas ng bahay ay nagmamadali itong bumaba ng sasakyan. Itinaas ang isang kamay upang kunin ang atensyon ni Alyson na mukhang sa malayo nakatingin, may malalim na laman ang isipan. Nang hindi pa rin siya napansin ay muling lumulan ng sasakyan at binuhay ang makina ng kotse. Mabagal na pinatakbo palapit sa kinatatayuan ni Alyson."Alyson, sakay na."Rumehistro ang labis na pagkagulat sa mukha ni Alyson nang makita si Geoff. Ang buong akala niya ay umalis na ito ng maghiwalay kanina."Ano pang ginagawa mo dito? Akala ko ay umalis ka na?"Mapanuring nagpalinga-linga ang mata ni Aly. Tinitingnan kung may mga tsismosa silang kapit-bahay sa paligid. Paniguradong makakarating na naman 'yun sa ina kung sakali na mayroong makakakita sa kanila."Hinintay na kita. Alam kong uuwi ka rin agad."Niluwagan pa ni Geoff ang bukas ng pinto. Magaan na ngumiti. Walang inaksaya
ISANG ORAS ANG NAGING overtime ni Alyson. Siya na ang pinakahuling employee na umalis ng office. Alam 'yun ni Kevin. Ito pa ang nagsabi na kahit hindi siya mag-overtime ay ayos lang. Sinabi niya naman dito na isang oras lang at kinabukasan n niya tatapusin. Matapos patayin ni Alyson ang kaharap na computer, sinakbat na niya ang bag at nilisan ang silid. Malapad pa ang ngiti niya sa guard na tumango lang sa kanya. "Good night, Manong Guard."Nag-aagaw na ang dilim at liwanag. Ganunpaman ay walang reklamo si Alyson dahil siya ang may gusto. "Ingat sa pag-uwi, Miss Alyson."Ilang minuto pagkaalis ni Alyson ay pumasok naman doon si Roxan. Kanina pa ito nakaabang sa labas, iniintay niyang umalis ang babae. Pinagplanuhan niya na 'yun kanina bunga ng sobrang curiosity niya."May nakalimutan ako sa office." dahilan niya ng tanungin ng guard.Dahil kilala naman na si Roxan ng guard ay hindi na ito nagkaroon ng bahid ng pagdududa kahit katiting. "Saglit lang ako Manong, mga five minutes lang
NASA DINING TABLE na si Alyson nang dumating ng bahay si Geoff. Sa halip na magbihis ay doon na dumeretso ang lalake. Nakahain na sa mesa ang mga pagkain nila. Mababakas ang inip sa mukh ni Alyson at ang labis na pagkatakam sa pagkain. "Pasensiya na, medyo traffic kasi." ani Geoff. Itinaas na ang manggas ng suot niyang polo sa kalahati ng braso, at naupo sa malayong harap ni Alyson. Tumango lang si Alyson, alam niya 'yun dahil kanina pauwi ay nagsisimula na. Lumapit ang maid sa kanila at sinalinan ng juice ang pareho nilang baso. Dinampot ni Alyson ang spoon and fork, kanina niya pa gustong kumain at mauna na sana kaso ay nagpapahintay si Geoff. "Kumusta ang trabaho mo?" Isinubo muna ni Alyson ang kapiraso ng hiwa ng karne bago sumagot sa tanong ng lalake."Ayos lang naman." "Hindi ka naman ba pinagod ng Kevin na 'yun?""Wala namang hindi nakakapagod na trabaho. Saka, may personal na secretary si Kevin gaya mo. Ito halos nag-aasikaso ng lahat ng kailangan."Tumango-tango lang si
BAHAGYANG NAPAATRAS si Alyson nang walang pakundangan siyang itulak papalayo ni Roxan. Buti na lang ay hindi 'yun pwersado kaya hindi siya nito nagawang matumba. May takot pa rin naman si Roxan na gawin 'yun kay Alyson dahil baka mamali ang bagsak ng katawan ng babae."Hindi nga sabi ako!" esknadalosang sigaw niya na kulang na lang ay mapatid ang ugat sa leeg nita, "Ako pa talaga ang sisisihin mo sa katangahan mo? Malay ko ba sa kung anong pinagsasabi mong drafts niyo? Maaga akong umuwi kahapon kaya huwag mo akong pagbintangan diyan!" "Sure ka na wala kang kasalanan? Paano kapag napatunayan kong ikaw ang may gawa? Anong gagawin ko sa'yo para pagbayarin sa kasalanan? For sure, isang sabi ko lang kay Kevin ay agad siyang maniniwala sa mga sasabihin ko. Idagdag pa kung mayroon akong matibay na proof doon.""Eh 'di magsumbong ka. Galingan mo? I want you to make sure na totoo ang binibintang mo!"Naniniwala at malakas ang kutob ni Alyson na nagpapanggap si Roxan na wala kuno itong alam."