Twenty One

Hindi siya makakapayag na makuha ng lalaki ang anak niya. Nakita niya sa mga mata nito ang determinasyong makuha si Jabez. But NO! She will not allow it to happen. Nanginginig ang kamay na iniabot ang kopita ng alak sa bar counter ng bahay at mabilis iyong nilagok ng straight. Bahagya pa siyang naubo dahil sa tapang niyon. Hindi siya sanay uminom kaya pakiramdam niya kinabukasan ay siguradong magkakahung-over siya.

Kanina pa nakaalis ang mga Mercado kabilang ang kapatid at kaibigan. Lumalalim na rin ang gabi ngunit hindi siya dalawin ng antok. Mag-isa na lang siyang gising at naglulunoy sa alak.

Hindi niya alam kung ano ang gagawin sa pagkikita ni Jacob at Jabez pero hindi niya hahayaang magtagumpay ang lalaki sa banta nito sa kanya.

Masakit na masakit ang ulo niya nang magising kinabukasan. Awtomatiko naman niyang kinapa ang anak na katabi kagabi, pero napakunot ang noo nang walang makapa. Agad siyang napabalikwas ng bangon ngunit agad ring bumalik sa pagkak