Chapter 15: Ina, Tiyo, Tutor.

PARANG itinulos si Caroline sa kinauupuan pagkarinig sa pamilyar na boses ng nagsalita. Kahit na sobrang tagal na buhat nang huli niyang narinig ang may kaartehan at mapagpanggap na tinig na iyon, hinding-hindi iyon mawawala sa isip dahil naging parte na iyon ng bangungot niya.

Subalit, maaari namang kaboses lang ng nagsalita ang kilala niyang nagmamay-ari ng tinig, ‘di ba?

“Mommy.”

Hindi agad siya nakahuma kahit pa tumayo na si Bullet sa upuan nito at tawagin ang ina nito. Narinig niya sa likuran ang magagaang nitong yapak.

“Hi, Miss Carol, right? I just want to say thank you at natagalan mo ang katigasan ng ulo ng anak ko. You know, Silver is too stubborn and hard-headed, kaya walang nakatatagal na tutor sa kaniya.”

“That’s not true, Mom. I am pissed off my previous tutor because they were flirting with Papa.”

“Oh, c’mon, Silver. Why don’t you just leave your uncle alone and stop calling him that way? Anyway, Miss?”

Hindi na mawari ni Caroline kung gaano kalalim ang gitla sa noo ni