Chapter 14: Ang Paghaharap

“Jordan?”

Tumayo ang bisita niya at hindi malaman kung lalapit ba sa kaniya o hindi. Ang anak na si Lottie na may dalang teddy bear naman ang sumugod sa kaniya at yumakap.

“Mimi! Gift po sa akin ni Tito Yordan!”

Hinila naman ni Clover ang kamay niyang hawak nito dahilan para lingunin niya ito.

“Kanina pa siya nandito, Mima.”

Inalis niya ang tingin sa anak at bumaling sa bisita na nanatili sa kinatatayuan nito.

“Lottie, Clover, maglaro muna kayo sa room ninyo, ha? May pag-uusapan lang kami ng bisita.”

Hindi tumalima si Clover na masama ang tingin sa bisita nila, pero hinila ito ni Lottie at kinaladkad papunta sa kuwarto. Hatid-tanaw naman ni Jordan ang kambal.

“Anong ginagawa mo rito?” tanong niya rito. Iniisip niyang dahil nasabi na niya kahapon sa meeting ang tungkol sa pagiging ina niya ay mawawalan na ito ng interes at tatantanan na siya. Pero mukhang mali siya ng akala.

“Ang gaganda nila,” puri nito sa kambal.

Hindi niya iyon pinansin. Itinuro niya ang upuan sa likod nito para pau