Chapter 13: The Visitors

Tumango-tango ang lalaki sa sinabi niya. Nagkatinginan naman ang iba at nagsariling kuro-kuro sa bawat isa. Tiningnan niya si Jordan na nakatulala na naman na parang ang lalim ng iniisip. At nang mag-angat ito ng tingin, agad na nagtama ang mga mata nila. He looks down and disoriented.

Hindi niya binawi ang tingin dito dahil ayaw niyang isipin nito na nagsisinungaling siya. Baka kung ano pa ang isipin nito.

Bumuka ang bibig ni Jordan, akmang may sasabihin pero agad na binawi.

“So, Mr. Salcedo, should we nominate another member for the position?”

Mabilis na umiling si Jordan at tumayo. “We will conduct another meeting. For now meeting adjourned,” pag-dismiss nito sa meeting ‘saka walang lingon-likod na lumabas ng conference room, hindi alintana ang naging reklamo ng mga kasama.

Malalim na napabuntonghininga si Caroline habang naiiling na binigyan ng simpatiya ang mga kasama. Mga nagrereklamo dahil may kaniya-kaniya pang pinagkakaabalahan ang mga ito na na-cancel para sa meeting na iyon