CHAPTER 59

Nabulabog ang ginagawang pagtulog sa hapon ni Calynn. May dumating sa Villa Berde dahil busina ng kotse ang bumalubog sa kanya. Gayunman, dahil buntis ay maingat siyang bumangon. Naisip niya rin kasi na baka si Calex lamang iyon kaya walang pagmamadali ang kanyang pagkilos. She took a bath and donned her house clothes.

Lumabas lamang siya sa inuukopang silid at pumanaog nang natiyak niyang maayos na ang sarili. Titingnan niya kung si Calex nga ang dumating. Balak niya ay magluluto siya at yayain niya itong kakain.

Nag-crave siya bigla ng sinigang na bangus. Maasim na maasim na sinigang na bangus. Iyon ang lulutuin niya.

“Hi, Ate Calynn!” ngunit hindi pa man siya nakakababa nang tuluyan sa hagdanan ay bati sa kanya ng isang boses babae. Pamilyar ang boses.

Nangunot ang noo ni Calynn na itinaas ang tingin sa may living room. Laking gulat niya nang makilala ang dalagita papalapit sa kanya.

“Meredith!” Genuine ang naramdaman niyang tuwa nang makita ang pinsan ng kanyang asawa. Binilisan n