Chapter 6

MAYAMAYA ay dumadating na ang kaibigan nilang si Nickson. Nakakunot ang noo nito at halos kung tumingin ay pailalim. Maghahamon pa ata ng suntukan dahil sa salubong na mga kilay nito.

Ibinagsak ni Nickson ang sarili paupo sa upuan na katabi si Omar. Tinitingnan lang siya ng dalawa niyang kaibigan. Saka napahilot sa sintido niya at nakita ang mapanuring tingin ng dalawa sa kanya.

"What?!" bulyaw na tanong ni Nickson. Napasandal siya sa upuan.

"Hey! Maghunus dili ka, Mr. Nickson Balderama. Para kang sasabak sa giyera sa mukha mo," sita ni Omar dito.

Sinalinan ng alak ni Ely ang baso at ibinigay ito kay Nickson.

"Inumin mo para kumalma ka. At para makapag-isip ka," ani Ely. Kinuha naman iyon ni Nickson at straight na ininom. Pagkatapos ay inilapag ang baso sa lamesa.

"Bakit ba ako nagpunta sa ganitong sitwasyon?" napapailing na lamang na tanong ni Nickson. Saka napasandal sa headrest ng upuan.

Pinagmamasdan lang siya nina Omar at Ely. At nang mapansin ni Nickson ang mga tingin ng dalawa ay matalim niya din silang tiningnan.

"Hoy! Wala ba kayong sasabihin? Kaya nga nakipagkita ako sa inyo rito sa bar. Tapos titingnan niyo lang ako ng ganyan!" galit na sabi ni Nickson sa dalawa.

Natawa naman ng mahina si Ely.

"Alam mo Nickson, ngayon ka lang namin nakitang sobrang problemado. Hindi ka mapakali. Salita ka ng salita. Napakasungit mo. Pero hindi mo naman alam ang gagawin mo," sagot ni Ely.

"Kung hindi ka namin kilala. Baka kanina ka pa namin iniwan dito. Sh*t! Pare, inlababo ka na!" natatawang sabi naman ni Omar.

"Paano mo naman nasabi na inlove ako. E, inlove naman talaga ako kay Denise ko," saad ni Nickson saka kinuha ang bote ng alak saka nagsalin sa baso niya.

"Oppss. Parang hindi kay Denise. Maybe sa fiancee mo?" sagot ni Omar.

"Tigilan mo ako, Omar. Nakakabanas ka na!" galit na turan ni Nickson.

Natawa na naman ang dalawa sa inaakto ng kaibigan nila.

"Pare, inlove ka na. Puwede ba naming makilala ang fiancee mo? Para naman makilatis namin 'yan. Ngayon palang atat na ata na akong makilala iyang si Olivia De Castro Hanz na 'yan," sabi ni Ely.

"Fiancee ko nga, di ba? Bakit ka atat na makilala? Sulutin mo pa ako," mahinang sabi ni Nickson. Pero narinig pa din ng mga kaibigan niya.

"Congratulation, Mr. Nickson Balderama! You're not a bachelor anymore. And welcome to Husband World!" biro ni Omar na tawa ng tawa. Habang nakikipagkamay ito kay Nickson. Masama lamang na tinitingnan siya ni Nickson.

Puro kantiyawan at tuksuhan ang nangyari sa pagkikita ng tatlo. Kahit paano ay gumaan ang loob ni Nickson. Totoo nga kaya? Paano nangyari iyon? No, he is not inlove with his fiancee? He still love Denise. At susuyuin niya si Denise kapag naayos na ang sa kanila ni Olive. Bad shot siya sa Daddy niya. At naiinis siya dahil doon.

"GOOD morning po, Tito. Gusto ko lang po makausap si Olive," magalang na bating sabi ni Nickson.

"Good morning din sayo. Maupo ka muna Nickson," ganting bati ng Papa ni Olive. Sumunod naman si Nickson at umupo ito sa harap na upuan ng ama ni Olive.

"Hijo, my daughter is dissappointed. Galit pa rin siya sayo. Hindi pa niya sinasabi sa akin ang dahilan kung bakit siya nagagalit sayo. Pero nag-aalala ako. Umaatras na siya sa kasal niyo. Now tell me your side," saad ng Papa ni Olive.

Hindi naman na nagulat si Nickson sa desisyon ni Olive.

"I'm sorry, Tito. It was my fault. Pinaghintay ko po siya ng matagal. And she caught me on other woman," nakayukong amin ni Nickson. Kasalanan naman niya kung bakit umaatras sa kasal nila si Olive.

Napakuyom ng kamao si Norman. Hindi niya akalain na gagawin ito ni Nickson sa anak niya. Their wedding is settle at wala siyang makitang dahilan para mambabae ang lalaking mapapanga-asawa ng anak niya. At siya rin ang pumili kay Nickson para ipagkasundo silang dalawa. Pero para sa kanya, alam niyang hindi siya nagkamali na ang binata ang napili niya para kay Olive.

"Nickson, how could you do that?! Ang akala ko ay okay na ang sa inyo ng anak ko. At nagkakaintindihan na tayo sa magiging kasal niyo ni Via ko. Paano mo nagawang lokohin si Via?!" galit na mga tanong ni Norman kay Nickson.

"Tito, I know napakalaki ng kasalanan ko sa inyo at kay Olive. Even to Daddy. Kaya nga po ako andito para humingi po ng tawad sa inyo at kay Olive. I'm so stupid that I hurt Olive noong nakita niya ako sa loob ng condo ko kasama ang ibang babae. Alam ko pong mahirap paniwalaan pero I want to continue our wedding. Ang kasal namin ni Olive. It is not because of the company but because I want Olive to be my wife. I still didn't know what I really feel for Olive. Pero hindi po ako makakapayag na hindi matuloy ang kasal naming dalawa," mga pag-amin ni Nickson sa Papa ni Via.

Napangiti si Norman at nilapitan si Nickson.

"Hindi ako nagkakamali ng pagpili sayo, Nickson. Alam kong maaalagaan mo ang anak ko. And I hope na maging aral sayo ang mga nangyari. Besides ikaw pa rin ang napipisil ko para maging manugang ko," saad ni Norman. Sa narinig niya mula kay Nickson. Alam niyang mahal na nito ang anak niya. It's just bata pa sila at mapusok.

"Thank you po, Tito," nakangiti nang sabi ni Nickson.

"Huwag mo nang uulitin ito, Nickson."

"Yes po, Tito."

"Puntahan mo na lang si Via sa condo niya. Hindi umuuwi rito sa bahay ng ilang araw," sabi ni Norman.

"Okay po Tito. Salamat po ulit sa tiwala niyo para sa akin," wika ni Nickson at tumango ng ulo si Norman.

Lulan ng kotse niya si Nickson para puntahan si Olive sa condo nito. Alam niya na maayos din ang lahat at matutuloy ang kasal nila ni Olive.

Nakarating na si Nickson sa condo ni Olive. Ibinigay naman ang address ng condo ni Olive ng Papa nito sa kanya.

Huminga ng malalim si Nickson saka nagdoorbell. Agad naman na pinagbuksan siya ng dalaga.