Kabanata 27

Tahimik akong nakaupo buong byahe, si Enver ay hindi rin ako kinausap, tuluyan na akong nawala sa mood matapos niyang ipabasa sa akin ang article na iyon. Sa huli, wala kaming napala sa lakad namin ngayong hapon, pinilit niya akong tanggapin ang wedding gown na napili niya, ngunit mariin din akong tumanggi, marahil ayaw niyang magalit ako at mag-walk-out sa boutique, kaya sumuko na lang siya.

Sa condominium ni Wregan ako nagpahatid at hindi naman tumutol si Enver, tahimik siyang nagmaneho, napag-isip-isip niya marahil na hindi magandang ideya na ipinabasa niya sa akin ang article tungkol sa ama ng aking anak.

"Salamat sa paghatid. Pasensya ka na ulit kung napahiya kita sa mga staff ng boutique. Alam mo naman na hindi ko talaga 'yon tatanggapin, may pa-surprise ka pang nalalaman," paninisi ko sa kanya sa huli.

Nagbuntong-hininga si Enver. "My fault. H'wag mo ng isipin iyon, pero hindi pa rin ako sumusuko, Tilaine. I will continue to ask for your hand in marriage."

I rolled my eyes