Chapter 52

52

Umuwi ako sa bahay ni Lucian na walang imik, pansin din iyon ni Leighton kaya naman hindi na rin ako nito kinausap.

Nagdiretso ako sa aking kwarto, wala pa rin naman si Lucian kaya naman mas minabuti ko na munang mag isip isip kung ano ang aking gagawin.

Habang nagmumuni muni ay tumunog ang aking cellphone, si Krisha ang tumatawag kaya naman sinagot ko kaagad ito. Magkavidoe call kaming dalawa ngayon.

"Lyrica? Alam mo na ba ang balita? " Bungad nito sa akin.

"Huh? Bakit? May nangyari ba? " Taka kong tanong sa kanya.

"Si Marco at Mildred daw, ikakasal."

"Teka? Ano? Bakit biglaan naman yata? " Nagulat na tanong ko sa kanya.

" Buntis daw si Mildred kaya minamadali ng pamilya niya na maikasal na yung dalawa." Umiiling na sabi nito.

"Kumusta si Wren? Nakausap mo na ba siya? " Nag aalalang tanong ko sa kanya.

"Oo, nakausap ko sa kanina. Ayun, parang pinagbagsakan ng langit at lupa. Gaga talaga iyang si Mildred. Hindi ko akalaing aabot siya sa ganito para lang kay Marco, napakadespera