CHAPTER 25

Walang emosyong pinagmamasdan ni Venice ang kabuan ng lupang inaapakan niya ngayon. Malawak at wala naman siyang nakikitang problema sa lugar. Presko ang hangin at maganda ang puwesto ng araw sa kinatatayuan niya, saktong-sakto sa mga balak niyang itanim na mga bulaklak.

" Madame, kumusta ho ang paglilibot niyo? " tanong ng katiwala sa lupang binili ng kaniyang ama. " Pasado ho ba ito sa proyektong plano niyong itayo rito? Baka po may mga katanungan kayo, nakahanda po akong sagutin 'yan. "

Pinilit niya ang sariling ngumiti. " May nakita ho akong balon sa likod ng kubo. Sinilip ko pero parang walang lamang tubig at hindi rin kaaya-aya iyong amoy. "

" Ah, maaayos po 'yon, huwag kayong mag-alala. Ilang taon din ho kasing hindi nagamit kaya ginawang tambakan ng mga kung anu-ano. Madali na lang pong maayos 'yan dahil mayroon din namang maliit na lawa malapit dito, Madame. Kami na po ang bahala doon. "

Napatango siya at muling nilibot ng tingin ang lupain. Klaro ang lahat, malinis at w