CHAPTER 58

Pabalik-balik ang tingin ni Claude kay Lucine na malayo na naman ang tingin sa labas ng bintana ng kotse. Halatang malalim ang iniisip at batid niyang may kinalaman itong tungkol sa kanilang pinag-usapan kagabi.

Tumikhim si Claude upang kuhanin ang atensyon ng dalagang kaniyang kasama. " Tungkol pala kagabi, sigurado ka ba sa sinabi mo? "

" Saan? " tanong nito nang hindi lumilingon sa gawi niya.

" Itong ginagawa natin. Sigurado ka bang ipagpapatuloy pa natin 'to? Mukha kasing hindi ka komportable sa naging desisyon mo. "

Napabuga sa hangin si Lucine bago ibaling ang tingin kay Claude. " Sa tingin mo ba may mangyayari kapag may ginawa pa tayo? Hindi madadaan sa pakiusapan ang Papà lalo na't siya rin naman ang makikinabang dito. "

" Kung ganoon hahayaan mo na lang sila? " tanong ni Claude, naguguluhan kung ano ba ang nais mangyari ni Lucine dahil noong nakaraang araw lang ay gustong-gusto nitong gumawa ng paraan upang maipatigil ang magaganap na kasal sa pagitan nila. " Kung iniisip m