CHAPTER 57

" Anong ginagawa mo dito sa kwarto ko? " ang tanging salitang lumabas sa bibig ni Lucine habang nakakunot ang noong nakatingin kay Amadeus.

" Hindi ba ako puwedeng pumasok? " balik nitong tanong saka lumakad palapit sakaniya. " Sabihin mo lang kung ayaw mo, lalabas ako. "

Naiyukom niya ang kamao. " Ano bang kailangan mo? Kung hinihintay mo 'ko, puwede mo naman akong hintayin sa labas ng kuwarto ko. Hindi naman tama na pumasok ka na lang dito ng basta-basta...lalo na't mayroon kang asawa. "

Nakatingin lamang sa kaniya si Amadeus. Nawala ang matigas nitong ekspresyon sa mukha nang mapagtantong tama ang sinabi ni Lucine.

" Pasensya na, " anito, " Hindi kita puwedeng hintayin sa labas dahil maraming mga mata si Logan dito sa mansyon. Itong kuwarto mo lang ang nakikita kong ligtas para makausap ka—para makapag usap tayong dalawa. "

Si Lucine naman ngayon ang natauhan. Nawala saglit sa isip niya ang kalagayan ni Amadeus sa mansyong ito. Magulo ang isip niya at nadala siya ng damdamin