Chapter 62 - Confrontation With Richard

"W-who are you exactly? Why everyone here is respecting you so much? Miyembro ka rin ba ng gang na ito?" tanong ni Richard kay Luke. Desperado itong malaman ang katotohanan.

Hindi niya maunawaan nang husto kung bakit nang dahil lang sa mahusay si Luke sa pakikipaglaban at iniligtas nito ang buhay ni Malcov ay nakakatamasa ito ng ganito kataas na respeto mula sa iba't-ibang kilalang personalidad tulad na lamang ni Natalia at Dwayne. Hindi lang yun, nang marinig ni Noah ang pangalan ni Luke ay mabilis na nagbago ang pananalita nito na para bang bigla itong natakot kay Luke.

Kaya ang hinuha ni Richard ay hindi lang basta iniligtas ni Luke ang buhay ni Malcov. Malamang ay miyembro din si Luke ng gang.

"Sino ba talaga ako?" pag-uulit ni Luke sa tanong ni Richard.

Seryoso ang mukhang pinagmasdan niya ito. Naupo muna siya at ilang segundong pinagmasdan si Richard bago sagutin ang tanong nito.

"May tanong muna ako sa'yo. May ideya ka ba kung bakit ka nagawang bugbugin ni Reynold?"

Napati