Chapter 67 - Krav Maga

Sa hudyat ni Cleo ay nagsimulang palibutan si Luke ng mga gang members. Lahat sila ay may nakalolokong ngisi sa kani-kanilang mukha. Pero agad na naglaho ang mga iyon nang pumorma si Luke ng Muay Thai fighting stance. Nagkatinginan sila sa isa't-isa. Pati si Cleo ay napataas pa ang isang kilay sa ginawa ni Luke. Marunong ang lalaking ito ng Muay Thai?

Nagsimulang mag-aral si Luke ng martial arts sa edad na pitong taong gulang. Dahil likas na mahusay at talentado si Luke ay mabilis siyang natuto. Sa loob lamang ng ilang taon ay ilang top masters na ang kanyang naging guro na nagmula pa sa iba't-ibang panig ng mundo.

Kabilang na sa kanyang naging guro ay si Virote. Isang kilalang Thai top master sa larangan ng martial arts. Ang kanyang istilo sa pakikipaglaban ay tinatawag na Muay Thai. Tawag ito sa martial arts na nagmula sa Thailand.

May iba't-ibang pamamaraan ng pagsasanay ang bawat martial arts. Ang training ni Luke sa Muay Thai ay hindi naging madali para sa kanya. Kasama sa pagsas