Chapter 105: Degree Arguments

NANLATA NA ANG katawan ni Alyson sa narinig. Anong sinabi ni Geoff? Wala siyang degree? Imposible? Ang hirap kasi sa asawa ay hindi siya nito lubusang kinilala in three years na pagsasama nila. Ayan tuloy, hindi updated ang mokong sa mga achievement niya sa buhay. Malamang mas magugulat pa ito oras na malaman niyang siya ang architect na matagal ng hinahanap nila ng secretary niyang si Alia. Hindi na mahintay ni Alyson na dumating ang araw na 'yun. Siguradong magiging makasaysayan ito kapag nangyari na.

"Wow! Masyado mo naman akong ina-under estimate, Geoff. Ganyan kababa ang tingin mo sa akin? Bakit pa ba ako magtataka? Kung ituring mo nga noon ay katulong ako at hindi asawa, malamang iniisip mo talagang wala akong degree. Ang busy mo kasi. Busy sa pambababae!"

Parang may bikig na sa lalamunan niya si Alyson. Hindi pinansin ni Geoff ang huli niyang pasaring. Ang tumatak lang sa utak ng lalake ay ang degree ng asawa. Bagay na ngayon lang natuklasan sa tanang pagsasama nila.

"Ganun na