Chapter 120.4

Ngunit nang marinig niya ang salitang matagal na ay para bang tinusok ang puso niya ng libo-libong palaso. Matagal na? Oo nga pala, sinabi nga pala nito sa kaniya na may mahal na nga daw ito sa loob ng sampung taon, ibig lamang sabihin ay hindi siya ang tinutukoy nito kundi ang lalaking sampung taon na nitong minamahal. Ang lalaking iyon pa rin pala ay nananatili sa puso nito ng mahabang panahon.

Hindi siya ang lalaking iyon at napaka-imposible talaga na maging siya iyon. Bigla siyang nakaramdam ng matinding selos ng mga oras na iyon. Sobrang selos ang nararamdaman niya. Umahon din ang galit sa dibdib niya na hindi niya man lang nakilala ang lalaking iyon kung sino ba iyon. Para hindi na siya masaktan pa ay nagpasya na lamang siyang baguhin ang paksa dahil habang pinag-uusapan pa nila iyon ay baka mas lumalim lang ang sakit na nararamdaman niya.

"Gutom ka na ba? Ano ang gusto mong kainin ngayong tanghali?" tanong niya rito.

Agad naman itong napakurap-kurap sa kaniya at pagkatapos ay m