Chapter 24.2

“Sure, basta ikaw.” sagot naman rito ni Lucas.

Pagkatapos sumagot ni Lucas rito ay muli niyang narinig ang tinig nito. “Kung wala ka namang kailangan ay papatayin ko na ang tawag.” sabi nito sa kaniya.

Kung dati ay kaagad siyang sasagot rito ng sige ngayon ay hindi niya ginawa. Lumunok siya at pagkatapos ay huminga ng malalim. Hindi niya alam kung anong pumasok sa isip niya pero, tila ba nagkaroon siya ng lakas ng loob na sabihin rito ang nararamdaman niya.

“Wait!” sabi niya at pagkatapos ay mas inilapit niya pa ang kanyang cellphone sa kanyang tenga. “Giniginaw ako at binalot ko na ang sarili ko sa kumot at pinipilit na ibsan ang lamig na nararamdaman ko pero mukhang hindi ito effective. Kailangan kita, kailangan ko ng yakap mo para hindi ako ginawin.” sabi niya rito at pagkatapos lang niyang magsalita ay walang sumagot mula sa kabilang linya kundi pawang katahimikan lamang.

Tanging ang paghinga lamang ni Lucas ang naririnig niya mula sa kabilang linya. Lumipas ang isang segundo, dal