Chapter 66.2

Masakit na inalala ni Annie ang mga kasinungalingang nag-iwan sa kanya ng mga sugat. Sinalubong niya ang malalamig nitong mga mata na nakatitig sa kaniya.

“Noong nakaraang gabi ay sinagot mo ang isang tawag sa cellphone mo hindi ba? Tinanong kita kung ano ang problema pero ang isinagot mo ay wala naman pero nung nakatulog na ako ang ginawa mo? Bumangon ka at umalis at hindi ka umuwi ng buong gabi Lucas. Kung inaakala mo na hindi ko iyon alam ay nagkakamali ka dahil hindi ako nakatulog nang gabing iyon ngunit wala naman sana akong balak na sabihin sayo e.” pag-amin niya rito.

“At ngayon ay halos walang ipinagkaiba dahil nakatanggap ka rin ng isang tawag ngayon at pagkatapos lamang ng ilang minuto ay nagmamadali ka ng lumabas para puntahan ang babaeng iyon hindi ba?” pagpapatuloy niya.

“At anong sabi mo? Uuwi ka rin?” napailing siya. “Sa tingin mo maniniwala pa ako sa sinabi mo sa kabila ng lahat ng pagsisinungaling mo? Magpalit kaya tayo ng sitwasyon, ikaw ay ako at ako ay ikaw. Manini