Chapter 120.2

Kinaumagahan, agad silang nag-impakeng dalawa ng kaniya-kaniya nilang mga gamit at nagtungo sa bayan ng lolo at lola ni Lucas para sa pagkatapos nilang manggaling doon ay tyaka silang maghihiwalay. Tatlong araw ang napagkasunduan nila na itatagal nila doon at pagkatapos ng tatlong araw na iyon ay tuluyan na nga silang maghihiwalay at magkakaroon na sila ng kaniya-kaniya nilang buhay.

Umaga pa lang ng umalis sila sa bahay nila ngunit dahil nga sa tagal ng byahe nila ay tanghali na sila nakarating doon. Isang liblib iyon na bayan. Agad silang dumiretso sa lumang bahay ng lolo at lola ni Lucas doon. Nang makita niya ang bahay ay nagulat siya at halos hindi makapaniwala. Isa lamang iyong simpleng bahay at malayong-malayo sa bahay na tinitirhan ni Lucas ngayon. Ang disenyo ng bahay ay nananatiling luma at hindi ginagalaw ngunit malinis naman ito at mukhang may naglilinis kaya malinis.

Bago pa man siya makapagsalita ay agad na niyang narinig si Lucas na nagsalita. "Dito nakatira dati sina l