Chapter 78.2

Naisip niya na kahit na anupaman ang dahilan sa wakas ay dumating ito para sunduin siya. Ang nangyari sa mall kanina ay nag-iwan pa sa kaniya ng takot at kaba sa kanyang puso at para bang may trauma pa rin siya. Gusto niyang yakapin ito at sabihin rito ang lahat ng takot na naramdaman niya kanina, pero nagbago na ang isip niya. Hindi na kailangan na sabihin rito iyon.

“Kalimutan mo na lang ang mga sinabi ko. Isipin mo na lang ang gusto mong isipin.” sumusukong sabi niya rito. “Pagod ako at gusto ko ng magpahinga.” dagdag niyang sabi rito.

Pagkatapos niyang magsalita ay agad siyang tumalikod rito at umakyat sa taas habang hawak-hawak ang kanyang cellphone.

Pagkapasok niya sa silid ay kaagad siyang nag-ready ng kanyang damit at dali-daling nagbabad sa bathtub. Habang nakababad siya sa bathtub ay hindi niya maiwasang mapaisip. Sa totoo lang ay walang nakakaalam kung gaano siya natakot kanina nang sabihin sa kaniya ni Olivia na tawagan niya si Lucas nang nasa mall pa siya.

Hinawakan niya