CHAPTER 84 : AMNESIA

Excited si Victor, habang bumababa sila ng kanyang mama sa hagdanan ng eroplanong sinakyan mula sa Mindoro. Kung puwede lang na liparin niya ang papunta sa tahanan ng Samonte ay ginawa na sana niya. Sabik na sabik na siyang makita ang babaing pinakamamahal niya.

“Makakarating ba agad kay Sophie ang mga prutas na ipinasakay mo sa cargo plane, Ma?”

“Oo, naman! Relax ka lang. Masyado kang excited, e.”

“Kung hindi nga lang kita kasama, Ma, malamang sa hindi na tumatakbo na ako palabas ng airport.”

“Malamang sa hindi ay may sumunod na security sa iyo kapag ginawa mo ‘yon. At tiyak for questioning ka.” Wika ni Amanda na nagtatawa.

Nilapitan ni Victor ang ina. Inakbayan.

“Bilisan na kasi natin.” Wika niya sa ina.

Nakalabas ng airport ang mag-ina. Agad iginiya ni Victor ang ina sa isang naghihintay na sasakyan. Inalalayan siyang makapasok sa loob niy