CHAPTER 86 : DESTINY

Pabilis nang pabilis ang tibok ng puso ni Ella, habang papalapit nang papalapit ang mukha ni Tony sa mukha niya. 

“Nakikilala mo na ako?” Halos pabulong na naitanong niya.

Ibig niyang matiyak na alam ng hahalik sa kanya na siya si Ella Caprichosa. Na tiyak nito sa isip at sa puso na ang hahagkan nito ay ang asawang pinakasalan, at hindi ang kung sino man na nasa lumang alaala nito at naiwan doon, kahit ang lahat ng iba pang mga alaala ay nabura na.

Natitigilang tumitig sa mukha niya ang lalake. Wari ay kinikilala siyang mabuti.

“Naalala mo na ako, ‘di ba? Ako ng iyong Sweet Baby Ella. Ang babaing iyong pinakasalan… asawa mo!”

Marahang binitawan ni Tony ang magkabilang pisngi niya, na hawak nito nang dalawang kamay. Umatras sa pagkakaupo. Laglag ang mga balikat na yumuko. Wari ay pagod na pagod itong naghahangad na makapagpahinga. Umatras. Nahiga. Ipinatong ang kaliwang braso sa n