Chapter 27.💜

(Maya pov)

Lahat ng nakakasalubong ko dito sa unibersidad ay binabati ako sa nalalapit naming kasal ni Tyler. Nalaman ng lahat na ikakasal ulit kami dahil laman ng lahat ng balita sa telebisyon, mga magazine, at social media ang tungkol sa kasal namin.

Agad akong hinalikan ni Tyler sa labi ng dumating siya para sunduin ako. Noong una ay nahihiya ako kapag nilalambing niya ako sa harap ng ibang tao o kung may nakakakita. Pero ngayon ay sanay na ako at balewala na lamang sa akin.

"I miss you and I love you." Nakangiting sambit niya matapos humalik. "Dumating na ang wedding dress na susuotin mo sa wedding natin. Sukatin mo agad pagkauwi para makita ko kung gaano ka kaganda habang suot ito."

"Di'ba bawal 'yon?" Kumunot ang kanyang noo kaya nagpaliwanag ako. "Ang sabi nila kapag sinukat daw ang wedding gown bago ikasal ay hindi daw matutuloy ang kasal." Malakas na natawa si Tyler kaya napanguso ako.

"Kasabihan iyan para sa mga hindi pa mag- asawa." Marahan niyang pinisil ang pisngi ko. "Mag