Chapter 35.💜

"PUNYÈTA KA, Fiona!!!"

Napatigil ako sa pagwawalis ng marinig ko ang galit na sigaw ni kuya Gordon habang papalit sa akin.

"Nasaan ang pera, ha? Hindi ba't sinabi ko sa'yo na sa akin mo ibibigay ang kita mo sa pagtitinda?" Agad nitong hinawakan ang maliit kong braso ng mahigpit kaya napangiwi ako sa sakit.

"Kuya Gordon, noong nakaraang buwan pa kasi ang utang natin sa tindahan ni aling Nena kaya binayad ko muna—" Pinigil ko ang sarili na huwag maiyak ng makatikim ako ng sampal mula sa kanya.

"Tanģ ina ka at sumasagot ka pa! Hindi ikaw ang masusunod ditong panget ka! Naiintindihan mo? Ako ang dapat sinusunod mo sa pamamahay na ito!" Nanlilisik ang mata na bulyaw nito.

"Hoy, Gordon, bitiwan mo nga ang pinsan mo!" Dahan-dahan na lumapit sa amin si lola Felly gamit ang kahoy na tungkod na napulot ko lamang sa tabi-tabi no'ng nakaraang linggo. "Bakit ba hindi ka magtrabaho ng sa gano'n ay hindi ka umaasa sa amin ng pinsan mo? Tigilan mo na ang kasusugal mo dahil bukod sa wala ka namang napa