Chapter 36.💜

[Maya/Fiona pov]

"Ah, gano'n ba..." Ngumiti ako sa kanya. "Ang buti mo naman na kaibigan kasi inaalala mo pa rin siya hanggang ngayon." Nakakabilib ang katulad niya, hindi nakakalimot kahit na nasa kabilang buhay na ang kaibigan nito.

Mas lalo itong naiyak sa sinabi ko. Gusto ko tuloy magsisi dahil pakiramdam ko ay ako ang dahilan kung bakit lalo itong umiyak.

"Ka-boses mo talaga si Maya..."

Matagal-tagal itong nanatili sa aking harapan habang umiiyak. Ramdam ko talaga na nasasaktan siya.

"Death anniversary niya ngayon." Pagkaraan ay sabi nito. "M-Mabuti siyang tao. Dahil sa kanya ay buhay ang kapatid ko... P-Pero kapalit naman noon ay nawala siya at hindi na kailanman babalik pa!"

Napakamot na lang ako sa ulo dahil lalong lumakas ang pag iyak niya. Napapatingin na tuloy ang mga tao sa pwesto namin. Baka mamaya ay isipin ng iba na sinasaktan o pinipilit kong bumili ang babaeng ito. Ganito pa naman ang tingin madalas ng grupo nila Eloy, katulad ko ay nagbebenta din sila Eloy ng sampag