Chapter 37-The Spirit With Night Sky Eyes (Act 1)

Muling nakatulog si Ada pagkatapos nang nangyari kanina. Nagiging lapitin talaga ng mga kaluluwa sa pagkakawala ng alaala niya. Napatingala naman ako sa langit at sinilip kung makikita ko ang senyales na nagbalik na si Reyna Athaliah. Ngunit wala akong makita marka sa buwan.

“Nasaan ka na ba? Naghihintay na sa’yo ang anak mo,” ang sambit ko.

Dinamdam ko ang hangin na siyang dumadampi sa aking balat. Muli kong kinuha ang octahedron crystal sa aking bulsa. Tinapik ko iyon ng dalawang beses at muli kong napakinggan ang musikang nilikha para sa akin ni Athaliah.

Muling nanumbalik sa aking alaala ang naging pamumuhay sa mundo ng Vesmir. Nahahati sa dalawang kontinente ang Vesmir. Ang Edoris at ang Tobria. Sa Edoris, matatagpuan ang mga Celestial Mage at samantalang sa Tobria naman ang mga Astral Mage. Magkaiba ng prinsipyo ang dalawang lahi kaya ilang milenyo na ring naglalaban ang dalawang kontinente. Tanging si Athaliah lamang ang nakapagpatigil sa dalawang lahi.

Isa siyang diyosa kahit n