Chapter 29

Nang makita ni Abigail ang taong bumungad sa pinto ng kusina ay nabura ang ngiti niya at pilit na itinago niya ang disgusto. Hindi niya inaasahang susulpot ito ngayon dito. Nagbaba siya ng tingin at hindi na muling sumulyap kay Odette na ramdam din niyang malalim ang tingin sa kaniya. Hindi talaga niya kayang itago ang disgusto niya rito pagkatapos nang away nila sa bahay ni Axis. Simula ng araw na 'yun ay naiinis na siya rito. Ang makasalubong pa nga ito sa daan ay iignorahin niya ito at ituturing itong hangin na parang hindi niya ito nakikita.

Siguro ay kung hihingi ito ng tawad sa ginawa nitong panunulak sa kaniya ay baka mapatawad niya ito. Kasi siya iyong klase ng tao na 'pag siya ang nasa tama ay hindi siya ang magpakumbaba. Pero kung siya naman ang nagkamali ay marunong siyang tumanggap ng kaniyang pagkakamali. Even though she doesn't yield easily, she will still consider apologizing to them. Ang babae ang unang nambastos sa kaniya kaya bakit siya ang mauunang hihingi ng tawad