Chapter 28

Nang makita ni Abigail na pumasok si Roger sa bakuran ng bahay nila ay agad siyang napatayo. Bumakas din ang tuwa sa mukha niya. Hindi na kasi muling tumawag si Axis kaya hindi nito sinabi na uuwi sila ngayon. Kaya ito at binaha siya ng tuwa na nakauwi na pala sila. Tumutok ang mata niya sa likod ng lalaki at hinihintay na masilayan ang mukha ni Axis pero hindi niya ito nakita. At kahit ilang minuto pa ang nagdaan ay walang sumunod kay Roger.

Pero nang ma-realize niyang nag-iisa lang ang lalaki na dumating ay unti-unting nawawala ang ngiti niya at tumabingi ito. Bumakas na ang pagkadismaya sa mata niya at kumirot ang dibdib niya. Subalit pinilit pa rin niyang ngumiti at inalo ang sarili. Umaasa siya na naunang umuwi si Axis sa bahay nito at susunduin siya mamaya. Na gusto lang siya nitong surpresahin para tignan ang magiging reaksyon niya.

"H-Hindi mo kasama si Axis na umuwi? Nauna ba siya sa bahay?" atubling tanong niya. Kumuyom ang kamao niya habang hinihintay na sumagot ito.

Nakita