KABANATA 26 I ISANG PARES NG MANIPIS NA PINK NA SAPATOS

Ilang araw ang nakalipas… Nakatayo si Sean sa harap ng isang inn na may malaking karatula, nakasulat roon ang Cherry Blossom.

Mula sa kinatatayuan ni Sean, tanaw niya ang waiting room ng lugar. Muli ay tiningnan ni Sean ang address na ipinadala ng misteryosong lalaki sa kaniya.

Tama ang nakasulat sa pangalan ng Cherry Blossom kasama ng pangalan ng kalye at mapa ng lokasyon, ayon sa kinatatayuan ni Sean.

Naglakad siya papasok. Isang chime ang tumunog mula sa itaas ng pinto nang siya ay pumasok sa lobby.

Napaangat ang ulo ng isang binata nang marinig ang matinis na tunog ng chime, hudyat na may mga bisitang dumadaan sa pintuan.

“Welcome to Cherry Blossom,” sabi ng binata na may nakangiting mukha, sinalubong ang pagdating ni Sean.

Isang kakaibang pakiramdam ang kumirot sa puso ni Sean nang makita ang guwapong lalaki na nakatayo sa kan’yang harapan. Isang imahe ni Via na laging kasama ng lalaki sa lahat ng oras kaya napaseryoso agad ang mukha niya.

Isang matalim na tingin ang ipinuko